Globalisierung - Zentralisierung - Vereinheitlichung

[Thierry The Liger]

So im name vom sälbschternannte Forum-widerbeläbigs-Kommission verfasse i hie jetz e Artikel zum Thema Globalisierig. i hoffe uf Beteiligung!
also los:

+++++++++++++++++++

Globalisierung - Zentralisierung - Vereinheitlichung
Fluch oder Segen?
Paradies oder Hölle?
Non plus ultra oder worst case?


Situation
Di hüttigi Wält, resp. d Wirtschaft und somit o d Politik stüre immer meh richtig Globalisierig, Zentralisierig und Vereinheitlichung.

Frage

Isch gränzelosi Globalisierig, Zentralisierig und Vereinheitlichung
-ohni Bedingig guet?
-zwingend notwändig?
-alternativlos?

Gedanke
Was bedütet Globalisierig überhoupt?
-langi Transportwäge = starchi Umwältbelaschtig
-grossi Problem (Umwelt, Wirtschaft Politik) chöi (chönnte!!!) effiziänt und unter iibezug allne Beteiligte rel. eifach und zimli effiziänt greglet wärde
-witrschaftsboom, in extremis
-Hunger und Krankheiten CHÖNNTE Wältwiit bekämpft wärde (anstatt desse bekämpfe mer (und vor allem d USA) lieber potenzielli terrorischte und anderi Armeeä. es wird jährlich es mehrfachs vom Gäld wo id Entwickligshilf oder Sozialarbeit gsteckt wird, id Rüschtig und Waffe und Armee und Chrieg investiert, hüfig wird sogar tötet, um dr "Fride" z erhalte oder z wiederhärstelle)

d Vorteile si bestächend, sofärn z Gäld regiert, wil d Politik isch vor Witrschaft abhängig, und d Wirtschaft wott d Globalisierig, da e Markterwiterig höcheri Absätz und Gwinne, sowie billigeri Produktione verbunde mit no höchere Gwinne, oder billigere Prise (und teilwis o Qualität) mit sich bringt.
dr gross Kontrapunkt: UMWELTVERSCHMUTZUNG!
Z (sinnlose) hin- und härfahre mit halbszit lääre Laschtwäge, grosse Schiff und CO2-Katastrophene genannt Flugzüüg, isch zwar mega praktisch, teilwiis aber doch fragwürdig.

würd e vermehrti REGIONALISIERIG nid d Schadschtoffemissione erheblich sänke? Wen di meischte Länder - sowit möglich und sinnvoll - uf sälbschtversorgig würde Umstelle, nid unbedingt uf billigproduktion zu unmönschliche (aber billige) Konditione, würd das nid meh zur Allgemeine Zfrideheit biitrage? we me de Monostrukturierte Länder würd hälfe essenzielli Produkt sälber z produziere - wär de nid dr Mönschheit me ghulfe, als we me die Monostrukture dür Marktpriissänkige i überläbenskritischi und unmönschlichi Situatione zwingt?


i cha nid alli Faktore und Sache wo me no sött ufschribe hie ufschribe. das isch das wo mier grad so spontan isch i Sinn cho. Kein Anspruch auf Vollständigkeit oder Absolutheit.

was giz süsch no für Argumänt,
was heit ier für ne Meinig?